An English version of the post is down here
العنوان يدل وبقوة عا كمية الطفر الي بتعاني
منها الاسرة الاردنية,, ههههه خلينا نكون ايجابيين ونقول انو انا
من احدى اهم الاشياء الي قررتها ببداية العام
هي اني اعطي وقت اكثر لافيد غيري من الامهات
من خلال مدونتي ,,يمكن الافكار الي عم اطرحها تكون كتير بسيطة ,,وهاد
بالزبط هو هدفي لاني متأكدة انو البساطة والعفوية بتوصل للقلب دغري
8 اشياء عملتها مع ولادي بوسط البلد,,ويؤسفني
احكي انو ولادي اول مرة بروحو عالبلد,,,سلطان كان كتير مبسوط لدرجة انو حكالي: ماما
حاسس حالي مش بالاردن,, الاخ مغترب طول عمرو.
رحلتنا كانت سياحة داخلية بالدرجة الاولى
والهدف منها كان كتير غريب وما رح تصدقوني ازا قلتلكم انو كتاب سلطان الاجتماعيات
كان هو السبب,, القصة وما فيها انو احنا وقت امتحان الفاينل لمادة الاجتماعيات ما
انتحرنا الا شوي,,الكتاب زخم ومحشي بالمعلومات والتواريخ الي خلت ابني يعاني بالحفظ,,اكتر
من 20 تاريخ لازم يحفظهم لانجازات واحداث مهمة ,,بصراحة الوضع كان كتير درامي
وقررت انو لازم اقدم تاريخ الاردن لولادي بشكل محبب اكتر عشان يعيشو الاحداث
ويتذكرو التواريخ المهمة الي بتخص بلدهم بدون اي عناء,, ومن هون اجتني
الفكرة,,بتمنى لو الاهل يعطو شوية جهد زيادة لهدا الموضوع,,انا متاكدة انو كلنا
كأمهات بهمنا ولادنا يكونو مواطنين صالحين ويحبو بلدهم وبهمنا نعلمهم الوفاء وحب الوطن,,
الرحلة ما بتكلف اشي وعنجد الولاد انبسطو اكتر من ما تخيلت
خليني احكيلكم شو بتقدرو تعملو بالبلد وبأقل
من 20 دينار
1) استعملو المواصلات العامة
هاي لحالها
كانت مغامرة بالنسبة لولادي لانو اول مرة بيركبو باص وسيرفيس ,,اول مرة حصللهم شرف
لقاء كنترول الباص :)
شغلة حلوة كتير عملتها مع الولاد واحنا
بالباص ,,كنت ماخدة معي نسخة من كتيب رائع بيحكي عن تاريخ عمان من سنة 1909 حتى 2009,, ولعبت معهم لعبة يانصيب الارقام,,الي عندو تحفظ عالاسم ممكن
يسميها حظك والارقام,,كل واحد منهم بيختار رقم
بين 1909 ل 2009 والفائز هو الي اختار الرقم الي فيو انجازات واحداث اكتر
صارت بنفس السنة,,يعني مثلا في سنة 1923 في انجاز واحد الي هو بناء الجامع الحسيني
الكبير,,بس سنة 1927 في ثلاثة احداث,,منها تشييد المستشفى الطلياني وسنة الهزة في
تموز,,وتأسيس جريدة الاردن.
الكتيب جد رائع بنصحكم تلقو عليه نظرة
وبتلاقو الرابط هون
كلفة
المواصلات العامة ذهابا وايابا من صويلح للبلد وبالعكس = 3 دنانير و80 قرش.
2) افطرو في مطعم هاشم
نصيحة للي بروح اول مرة: غضو البصر عن
النظافة العامة والخدمة النص كم,,عادي :) ولا تنسو الهايجين والمناديل المعطرة
الحمص والفول طعمهم خيااال ,, وما بتكمل الا بشاي
بنعنع
الكلفة لثلاث اشخاص (كلهم شريبة شاي) = 6
دنانير
3)لازم تزورو المسجد الحسيني
كانت فرصة حلوة
احكي لسلطان انو المسجد هاد تم بناؤه على الطراز العثماني وحكينا عن الدولة
العثمانية الي درس عنها بكتاب الاجتماعيات.
الكلفة = 0 دينار
4) تمشاية بالسوق
الشعبي
السوق عادة بيئة غنية بالتناقضات والازعاج والصخب,,فرصة تحكو لاولادكم
يستعملو كل حواسهم,,يلمسو الخضار المعروضة ويشمو رائحة السمك,,يسمعو كيف البياعين
بيصيحو وبنادو ,,وعادي لو تذوقو من الزبيب المعروض على بسطة البهارات
الكفة= 0 دينار
5) زيارة المدرج الروماني ومتحف الازياء
والحلي الشعبية
كانت من اجمل المناطق الي زرناها ,,طلعنا
لفوق المدرج وحكينا شوي عن الرومان وكيف كانت حضارتهم قوية وذات نفوذ,,وكيف انو
المسلمين هم الوحيدين الي قدرو يسيطرو عا توسع امبراطورية الروم.
تكلفة دخول المدرج والمتحف = 75, قرش
6) الي بينزل عالبلد مو معقول يروح بدون ما
ياكل كنافة من عند حبيبة
ساخنة وطيبة وبتمط (هههه هاد معيار الجودة),,والناس عليها طوابير
كلفة الكنافة ( احنا اخدنا صحن واحد وقطعة
كبيرة) = دينار و10 قروش
7) اشترو كتاب او قصة من كشك الثقافة
احنا
عنا عادة اعتمدناها في سفراتنا,,لازم نشتري كتاب من المكان الي بنسافر عليه وهاي
المرة مريم اشترت 3 قصص بدينار
الكلفة = دينار واحد
8) لا تنسو تشترو تذكار بسيط عشان تتذكرو هاي
الرحلة السريعة الممتعة
احنا اشترينا توب لمريم ,,اسعار الاتواب بتتراوح من 7
دنانير ل 20 دينار للبنوتات
الكلفة = 7 دنانير
عمان حلوة كتير ,, وبحمد ربي عا نعمة الامن
الي عايشين فيها,,انك تشوف علم بلدك عم يرفرف فوق بيعطي الواحد شعور بالعز
والفخر,,الحمد لله عا نعمة الناس الطيبين ولاد البلد ,,الي لما تسألهم عا
طريق او عنوان عندهم استعداد يتركو البسطة
تاعتهم ويمشو معك هناك,, الحمدلله عا الشرطي الي بحب شغلو وواقف تحت الشمس والبسمة
عا وجهو,,يا الله من وين بيجيبو كل هالصبر على عَوج الناس؟؟ الحمدلله عا التعاون الي بيتجلى بابسط صورو,,لما
صاحب التكسي يكون عامل قروب واتس اب عشان يخبرو باقي الشوفيرية عن اماكن الازمات
والزحمة المرورية,, الحمد لله.
8 amazing things do do with your kids in down town Amman ,,and
guess what? it's less than 20 JDS
I might sound stingy
but believe me there is nothing more intelligent than being a thrifty mom who
knows how and where she should spend her money.
If you haven't been to downtown Amman like myself , here are
8 things to do with your kids that are so simple yet filled with excitement and
thrill.
1) Use public
My kids had a blast ,,
they have never been on a public bus or a service taxi, it gave them a whole
new perspective and I guess it helped them build up their self esteem because
each handled paying for himself.
Cost from Swelih to downtown
= 3,80 JD
2) Breakfast at Hashim
Who would ever go
downtown early in the morning and not have the hummus and mint tea served at
Hashim? My kids thought it would be like the usual restaurants we are used to
breakfast in ,, I'm so proud of them for not being crybabies and not arguing
about the hygiene of the place , they
were not disappointed and loved it.
Cost = 6 JDs
3) Al-Husaini Mosque
Sultan was lucky
enough to catch Duhur prayer and we talked a little bit about the architecture
of the mosque and how it was built by the ottomans.
Cost= zero
4) Awaken your senses
at the local market
Enjoy every color the souq offers and let your kids smell
the odors of fruit and veggies ,,spices ,, fish and sugar cane ,,let them pay
attention to how loud the sellers call for their goods and how each person on
earth is playing a role in making this earth diverse and unique.
5) Keep walking till
you reach the Citadel and the cultural museum
The entrance fee is very cheap and the view from
above there is just breathtaking ,,I explained to the kids how cleaver Romans used
to be and how they built this theater using a unique sound system without
having to use technology.
Cost =0 ,75 JDs
6) Buy a good book
There is this small
vendor shop called Koshk Al thaqafa ,,its very popular and sells all types of
books you could imagine ,,best sellers, translated ,,novels and so on ,,don't
go home without buying a good book to read. Mariam bought a story with only 1JD
Cost =1JD
7) Eat Kunafah
Habiba Kunafah is
the ultimate pleasure to end you day at downtown ,,the queue is as long as a
math class but believe me once you taste that warm sweet Kunafah you will know it's
worth the wait, tourists and locals don't mind eating on the side of the road ,,and so didn't we.
Cost = 1,10 JDs
8) Buy a traditional
dress
Jordanian traditional
dresses are a piece of art ,, I wish I had an authentic one embroidered and
handmade ,,the ones sold in the market are not usually hand embroidered but
they are very beautiful ,, we bought a dress for Mariam and she decided to be
very patriotic and spend the whole day wearing it.
Cost =7 JDs
