فنادى جبريل ,,ان الله يحبُ فلاناً فأحبوه

مرات في ناس بحياتنا مجرد وجودهم بيشعرنا انو الله رضيان علينا  وبدو الخير النا,,,شعور بالطمأنينة لما يكونو حوالينا,, لأنو بنعرف انو مش ممكن ولا للحظة يأذوك او يستغيبوك ,,او يريدو غير الخير النا وللكل 

شغلهم الشاغل نشر الخير والفضيلة بين الناس,,,نفَسهُم ايجابي ,,,بحبو الحياة,,,جميلين جداً من الداخل قبل الخارج

يمكن ما نحكي معهم كتير,,مجرد علاقة رسمية ,,,بس لما نكون في مأزق فهم اول جدا بيخطرو عا بالنا,,

مخهم نضيف,,روحهم حلوة,,,والابتسامة دايمن على وجهم

يمكن تكونو من الناس المحظوظين جداً  ازا حوليكم على الاقل واحد من هدول الاشخاص,,الله اكرمني بكتير من  الشخصيات  اللي وجودهم بحياتي هو نعمة من رب العلمين

مس سخاء,,,بعرف انو كلامي مهما يكون كبير ودسم ومليان حب مش ممكن ابداً  ابداً يوفيها حقها,,,وانا متأكدة انها ما رح تقرأ اللي انا عم بكتبو  فيا رب ما يكون نفاق او رياء من جهتي,,

 مس سخاء,,بكل بساطة بتنحب,,ليش؟ لانو ربنا بس يحب حدا بنادي جبريل ان الله يحب فلاناً فاحببه فيحبه جبريل وينادي اهل السماء فيحبوه ويوضع له القبول في الارض

ولاني بحبها بطريقتي,,,وهي للعلم ما بتعرف,,حبيت برضو اعبر عن حبي بطريقتي

عملت اشي كتير بسيط بمناسبة رمضان ,,لوحة ممكن تعلقها بمكتبها(يا رب اكون محظوظة  بما فيه الكفاية وتكون عجبتها وفعلاً تتعلق اللوحة) وتحط عليها ملاحظات بسيطة او اي ورقة تانية

ولأني هيك وهيك مكركبة الطاولة وعاملة اعصار كاترينا بالبيت  قلت خليني اعمل اكم كرت حلوين لحدا تاني وقواطع للكتب

( bookmarks عا فكرة طول عمري بحكي عنهم)  

بس مس سخاء حكتلي مرة انو اسمهم قواطع كتاب,,ولأني بحب العربي كان لازم استعمل الكلمة الصح

الحمدلله دائماً وابداً على نعمة الصديق الصالح والمرشد المخلص والمعلم الأمين

كاسة الشاي قابعة بكل صمود بنص العجقة