رزنامة رمضان

في احلى من العطلة؟؟ مع اني بعرف الجواب بس "لأ" ما في 

فما بالكم رمضان وعطلة سوا؟؟ وكتييير وقت للمشاريع المنزلية مع الاولاد ,,واللي طبعاً لازم تكون ذات طابع رمضاني بحت

السنة الماضية عملت رزنامة للاولاد لرمضان عا شكل هلال ونجمة كبيرة علقناهم عا حيط المطبخ(هو نفسو ابو سمرة اللي دهنتو دهان لوح,,,والله لولا هالحيط كان اتشردت العيلة) المهم.,, الفكرة اني لزقت عليه ارقام وكل يوم بيشيلو رقم حتا نوصل للعيد بالزبط زي العد التنازلي,,,كانو يتحمسو كتير فا قلت هاي السنة لازم اطور الفكرة شوي

 عملت نفس الرزنامة بس عا شكل مسجد ,,, الارقام طبعناهم وعملت من الكرتون زي جيوب وكل جيبة فيها بطاقة ,,,البطاقة مكتوب عليها اشي ممكن نعملو سوا مع بعض او ممكن يعملو لحالهم ,,او حتا مفاجاة  صغيرة واشي مسلي

مثلاً من الاشياء المكتوبة,,,هيا نصنع حصالة لصدقات رمضان,,هيا نزور نانا,,,تعالو نلعب الغميضة,,قصة مريم عليها السلام

make your own masba7a,,make duaa for five friends today,,lets make some cupcakes,,,,lets camp

وطبعاً كانو كتير متحمسين وهمه بيشتغلو معي,,,علقناها عا نفس الحيط (ابو سمرة) وكل يوم بنشيل رقم,,في اضافة صغيرة حبيتها كتير وهي ورقة دوارة ثبتتها بدبوس فرنسي للخلف بتبين اطوار القمر من محاق لهلال  لبدر

الرابط عشان تطبعو الارقام ازا حبيتو هون

والرابط لأطوار القمر هون

بتركم مع الصور ويا ريت تطبقوها ولوحتى بشكل تاني مع ولادكم

رمضانكم سعيد وملئ بالطاعة والقرب من الله