بيجي علي ايام بتمنى لو اني من الامهات الي ما بيشتغلو,,بتخيل رح ادمر الدنيا بالافكار الي براسي الي ما عم تلاقي الها حييز بالاربع وعشرين ساعة الموجودين بالنهار,,يا ريت! بس صراحة ما بقدر اترك التدريس,,,هههه بعدين بديش ادمركم حرام
بتخيل الي بيشتغلو بيحسدو امهات البيوت ,,وامهات البيوت بيحكو يا ريت لو اشتغل والموضوع شغال زي هيك,,طبعا ما بعمم اكيد الحكي لا ينطبق عالكل
هديك اليوم انا وزميلتي بالشغل عم نحكي بنفس الموضوع,,بتقلي بحس انو الام العاملة بتحاول تبذل جهد مضاعف عشان ما تحس بالذنب انها مهملة ولادها بجانب من الجوانب,,عشان هيك بتلاقيها بتبدع بالطرق السهلة والمؤثرة بنفس الوقت لدعم معنويات ولادها او تقديم الافضل,,
من هون اجا عبالي اكتب هالبوست,,لاني ام عاملة وكتير بهمني ولادي يشعرو بالتمييز واني انا معهم في تفاصيل دقيقة جدا من حياتهم,,تفاصيل كتير بسيطة بس الها تأثير,,
ولاني بحب البساطة والسهولة بالفكرة خطر عبالي اجيب كياس الورق الي بيستعملوها المطاعم واكتب عليهم عبارات تشجيعية للولاد واحط فيهم السندويشة او البسكوت او المكسرات الي رح ياكلوها بالمدرسة,,
وعشان الفكرة تكون سهلة التطبيق فا انا بخصص يوم بالاسبوع غالبا السبت في تجهيز هدول الكياس وكتابة العبارات عليهم,,ممكن تكتبو اي شي,,حكم,نكت, حزازير او نصيحة نبوية من الرسول عليه الصلاة والسلام
حطو الكياس بخزانة المطبخ الي قريبة عليكم وقت ما بتعملو السندويشات لولادكم حتى يكون الوصول الها سهل
في كتير افكار عالنت لوجبات صحية للاطفال وبتكون مقدمة بطريقة كتير جذابة,, كمان في مطبوعات جاهزة لعبارات تشجيعية,,انا طبعت شوي وجلتنتهم عشان يضلو اطول فترة ممكنة
كتير بنبسط انو مدرسة ولادي ما بتقبل يجيبو اي طعام غير صحي للمدرسة,,وبنبسط زيادة لما ييجو عالبيت ويحكولي انو صحابهم حبو فكرة الكياس او انه
تفاجأو بكيس اليوم انو كان فيو احجية او لعبة (اكس أوه ) بيقدرو يلعبوها مع صحابهم
فكرة تانية بتضحك,,ومين منا ما بيضحك بس يشوف المنيونز,,هي موزة المنيون,,رح
تلاقو رابط لباترون ملابس وعين المنيون,,اطبعو الورقو وقصوها ولزقوها عالموزة
,,كتير ضحكت وانا بعمل فيهم
الرابط للموقع هون
لفتة صغيرة من الام ممكن تعمل اثر كبير عند الاولاد ورسائلها الغير مباشرة بتلعب دور مؤثر في شخصيتهم لبعدين
