أسهل ابل باي على وجه الكرة الارضية

اسهل ابل باي على وجه الكرة الارضية للناس الكسلانين امثالي ,,,,والطريقة من صاحبتي رباب الله يرضى عليها بما انها ام عاملة متلي فا اكيد بجمعنا الحس الفني المشترك :) ازا انتو كسلانين  عمليين متلي بنصحكم تجربوها لانو عنجد سريعه وهبله وزاكيه كتير

ماما...سامحيني عملتلك خيانه وجربت ابل باي تانيه غير وصفتك الخرافيه المشهوره المتوارثه منذ زمن,,,,لانو وبكل تواضع ما عم تزبط معي

الخلل مني مش من الوصفه :) المهم خلونا بالابل باي تاعتي : الهبله السريعه والزاكيه كتير كتييييير 

المكونات 

اصبع زبده بحرارة الغرفه

3 كاسات طحين 

1,1/5 كاسة زيت نباتي 

1, 1/5كاسة لبن رايب

1 ملعقه كبيره بيكنج باودر

الحشوة

4 تفاحات يتم تقشيرها وبرشها 

2 ملعقة كبيرة قرفه

2 ملعقة كبيره سكر

انا اضفت جوز ,,,طازه اجاني من الشيشان وبالتحديد من الشجرة  اللي بحوش قرايبنا هناك ,,,عادي ما تتعقدو,بينفع ابو الكيلو ب 8 دنانير من اي سوبر ماركت

ممكن تضيفو زبيب كمان 

الطريقة

يفرك الطحين مع الزبدة جيدا ثم تضاف المواد الاخرى,,,,ههههه دايمن بالوصفات بنقلب عالعربي الفصحى ,,يا ترى ليش؟ 

تضاف المواد الاخرى  وتعجن جيدا وتترك عا جنب

هلأ هون عامل الكسل بيشتغل,,,,يا اما بتكونو معدلات وبتعملوها عالطرقة التقليدية,,,زي ماما واختي سوسن ,,,شغل حبكة بالعجين واوراق شجر وقصص او بتختصرو الوقت  والجهد وخلايا المخ وبتعملوها على شكل قنابل :)))) مو احلا؟؟

تخبز بفرن حار وتزيين بالسكر المطحون 
يسلمو رباب :)